.:亞利安星球駐地球外交大使館:.

九十高齡的外婆來我家住...
讓我覺得好Ｘ麻煩...
１．
我不習慣跟老人家相處
更加忍不住婆婆跟老爸老媽聯手來”哦”我……
我又不能發脾氣
不然只會跟他們吵＝　＝

２．
為了婆婆來住
討人厭的二家姐讓出她的床給婆婆
她睡客廳地下
屋企已經唔係大
都唔明點解仲要婆婆來住
不止要家姐睡地下仲要我為了就她早點”訓”而要早熄燈
Ｘ
佢要返工佢要訓覺
我唔Ｘ使用電腦做自己野
低低能能
又唔可以發脾氣逼阿媽帶婆婆返屋企＝　＝”

３．
婆婆早上習慣晨運
偏偏屋企早上無人有時間陪佢晨運
之前都是讓佢在屋企坐
但今朝老媽要我帶婆婆落街等佢自己做運動
我叫家姐帶家姐話要返工
Ｘ
佢要返工我唔Ｘ使返學？
婆婆堅持跟我落去
我已經趕時間搭巴士返學
帶住婆婆又唔可以落一層追”車立”
結果搞到我今日要追巴士
咁都算啦
但係今日我千交帶萬交帶要婆婆跟阿媽指示
做完運動去飲茶等阿媽放工去接佢
但佢居然自己週圍走走去搵我阿媽．．．
然後搞到成屋人雞飛狗跳
我個衰人乞人憎二家姐居然要我比部電話比阿婆
話我部電話都無用喎
Ｘ
佢係唔係低Ｘ能架？
部電話我唔Ｘ使用？佢唔好比佢部電話婆婆用？
佢部機夠返工唔聽啦！＝　＝”凸

４．
其實我完全唔明
外公外婆得一粒仔七個女
點解唔係我舅父好好照顧外婆而要阿姨姨媽負責輪流照顧佢？
以前公公係度都好Ｄ
公公一死舅父Ｄ仔女尤其個死人表弟
對婆婆唔好兼呼呼喝喝
居然鬧佢「點解咁多人死又唔見你死」
（我再唔喜歡婆婆來住都無咁講過！！）
舅母仲話要送行得走得（只係懵Ｄ）的婆婆入老人院……
如果唔係佢地一家咁Ｘ麻煩
婆婆就唔駛好似流浪人咁週圍走搞到咁麻煩
平時佢地一家就識食婆婆釣回家的魚執回來的海螺
享受婆婆比佢地的好處
但又唔肯負起好好對婆婆的責任
反過來就搞到其他人．．．
真係好討厭佢地！！！！＝　＝凸凸凸凸

婆婆依家因為要跟阿媽睇中醫
都唔知住到幾時
睇黎我有排煩
好想哭．．．．．．．．．．．．．．．．．．．．．．