.:亞利安星球駐地球外交大使館:.

本來有人請應該好開心
但係返左3日後我真係頂唔順...
所以決定聽日resign...
失業就失業啦...我唔想做死自己呀囧rz

我做的工係大快活的水吧
我新入黎就比人質左去做最辛苦兼無時停的傳菜
d人係咁買早餐我就係咁傳野啤粉麵的湯
就算少人d都要睇住多士爐、焊野切野...
每日做5.5個鐘但完全唔停得手...連水都飲唔到一杯...
企多士爐隔離比部野焊到喉嚨好乾...聞到多士味都想嘔...
一傳唔切野就比條死肥佬鬧...明明係佢自己叫錯野搞到廚房出錯我傳錯就炳我...
佢無野呀嘛？
跟住次次叫佢叫咪要廚房出果d味精湯水refill...
條仆街就鑊鑊都扮聽唔到...今朝仲怪我傳錯哂野想搵粗口鬧我添呀...
屌...我都想搵粗口鬧x你...
仲要日日返6:30晨咁早呀...囧rz
返左三日之後我對熊貓眼已經恐怖到我都就黎認唔到自己係邊個...
日日企然後扭腰傳野搞到日日放工返屋企都死咁滯...條腰對腳都好痛...
隻手指公就前幾日被辣到變左白色
我唔介意企唔介意捱...但明明唔係我錯就無啦啦比人鬧..仲要忙到連水都飲唔到杯...
呢個我就真係頂唔順啦-__-
做老麥都唔駛咁辛苦掛？
20蚊一個鐘就要做到腰痛手斷成身傷仲要比人鏟的話...-_-
我寧願去油尖旺做telesales-_-
起碼對手唔駛比人淥熟

p.s請以後千萬別到上水廣場大快活吃早餐...那些多士-_-d人用白手切架...